Naething comes tae mind - pairts o "Scotland the What" mebbe but naething that's bin on lately. Even in Trawlermen they soond like thay're daein thair best tae spik English maist o the time. Lindsay Colin Wilson kens a lot mair aboot TV than masel (hinna properly watched terrestrial TV syne bidin wi ma parents...) an he suggested that Braid Scots haes bin hauden awa fae TV on purpose... He cwid be richt, but equally cwid be tae dae wi spikkers chyngin ower tae maistly English for tae be unnerstuid. Rebel Tongue wis guid - but fae whit I wis tellt Ally Heather hud tae "tone doon" his Scots. The best examples that come tae mind are films fae The Doric Film Festival - maist o thae films are in Braid Scots. Tae me as a teenager listenin tae Chewin the Fat an Still Game it didna even cross ma mind that whit thay were spikkin is Scots - it wis braw tae hear an hud us aw sayin "gonnae no dae that" in the playgrun, but is a disservice tae Scots as a language (this level o blendin o English an Scots is unnerstuid by jist aboot aabody that kens English - an compared tae dialects o English sic as Black Country or Yorkshire are aboot at the same level o intelligibility, wi Braid Northumbrian / Geordie bein less intelligible tae fowk fae the Sooth o England / Americas than Still Game or Chewin the Fat). Ma opinion is unpopular, acause the vibe I get is that we should think "everything is Scots if it's on the English to Broad Scots continuum", but if it's on the English side o the continuum then it's a dialect o English influenced by Broad Scots an nae "Scots".
Braw airticle - in terms o the classification, in ma opinion it wid be helpfu tae hae anither distinction atween "Scots" an Braid Scots. Tae me, Still Game is still mair tae the Scottish English side o the Braid Scots continuum an nae in a braid eneuch Scots for tae cry it a leid in its ain richt. It's jist ma opinion, but wattered doon Scots sic as Still Game (an loads o authors fae the Central Belt) hiv deen a lot o herm tae Braid Scots as a leid fyles helpin the Scottish English Dialect... Fan it comes tae uphaudin the Scots leid, in ma opinion, siller sud ainly ging tae shaws in sic a braid Scots aat a monoglot English speaker cwidna dee ithoot subtitles.
Naething comes tae mind - pairts o "Scotland the What" mebbe but naething that's bin on lately. Even in Trawlermen they soond like thay're daein thair best tae spik English maist o the time. Lindsay Colin Wilson kens a lot mair aboot TV than masel (hinna properly watched terrestrial TV syne bidin wi ma parents...) an he suggested that Braid Scots haes bin hauden awa fae TV on purpose... He cwid be richt, but equally cwid be tae dae wi spikkers chyngin ower tae maistly English for tae be unnerstuid. Rebel Tongue wis guid - but fae whit I wis tellt Ally Heather hud tae "tone doon" his Scots. The best examples that come tae mind are films fae The Doric Film Festival - maist o thae films are in Braid Scots. Tae me as a teenager listenin tae Chewin the Fat an Still Game it didna even cross ma mind that whit thay were spikkin is Scots - it wis braw tae hear an hud us aw sayin "gonnae no dae that" in the playgrun, but is a disservice tae Scots as a language (this level o blendin o English an Scots is unnerstuid by jist aboot aabody that kens English - an compared tae dialects o English sic as Black Country or Yorkshire are aboot at the same level o intelligibility, wi Braid Northumbrian / Geordie bein less intelligible tae fowk fae the Sooth o England / Americas than Still Game or Chewin the Fat). Ma opinion is unpopular, acause the vibe I get is that we should think "everything is Scots if it's on the English to Broad Scots continuum", but if it's on the English side o the continuum then it's a dialect o English influenced by Broad Scots an nae "Scots".
Braw airticle - in terms o the classification, in ma opinion it wid be helpfu tae hae anither distinction atween "Scots" an Braid Scots. Tae me, Still Game is still mair tae the Scottish English side o the Braid Scots continuum an nae in a braid eneuch Scots for tae cry it a leid in its ain richt. It's jist ma opinion, but wattered doon Scots sic as Still Game (an loads o authors fae the Central Belt) hiv deen a lot o herm tae Braid Scots as a leid fyles helpin the Scottish English Dialect... Fan it comes tae uphaudin the Scots leid, in ma opinion, siller sud ainly ging tae shaws in sic a braid Scots aat a monoglot English speaker cwidna dee ithoot subtitles.
Ah can see whaur yer comin frae, but Ah dinnae hae eneuch data tae quantify it.
Can ye gie me a couple o exaumples o characters frae TV shows that ye wid consider tae be spikkin distinctly Braid Scots an no Still Game Scots?